O'zim hayron holimga bugun,
Esar bo'ron dilimda bugun.
Chiqib qoldi nigohi chaqmoq,
Ko'zi jayron yo'limda bugun.
Yuzi go'zal, kulgichi gulni,
Ko'rdim kulsa tishlari durni,
Tushmi ro'yo bilolmay qoldim,
Ko'rdim go'yo parini, hurni.
Tikon-tikon sanchilar yomon,
Xasta jonni qo'yarmu omon?
Qayda yorim manzili, ayting,
Sevgim aytay topganim zamon.
Dilni tirnar tikoni ishqni,
Sevib qoldim notanish qizni.
Yana qachon shafqatsiz hayot
Qaysi yo'lda uchratmish bizni?
Yorni qo'msab bog'larni kezdim,
Ilinj izlab tog'larni buzdim.
Bormi menday bechora oshiq?
Sog'inch sabab daryoda suzdim.
Dildan chaqar ilonday tikon,
Menga sochar qahrini hijron.
Izlab yurgan yorini qaydan
Abbos Afzun topadi qachon?
Tikon-tikon sanchilar yomon,
Xasta jonni qo'yarmu omon?
Qayda yorim manzili, ayting,
Sevgim aytay topganim zamon.
Dilni tirnar tikoni ishqni,
Sevib qoldim notanish qizni.
Yana qachon shafqatsiz hayot
Qaysi yo'lda uchratmish bizni?
Tikon-tikon sanchilar yomon,
Xasta jonni qo'yarmu omon?
Qayda yorim manzili, ayting,
Sevgim aytay topganim zamon.
