Gar ko'rsa seni noz ila bo'ston orasinda,
Gul g'uncha bo'lur bog'i guliston orasinda.
Naysonda bulut har nechakim ko'z yoshi qildi,
Tishing kibi dur topmadi ummon orasinda.
Gar ko'rsa seni noz ila bo'ston orasinda,
Gul g'uncha bo'lur bog'i guliston orasinda.
Yuzungni ko'rub o'ftonibon gul qochar erdi,
Miskin yugura olmadi tikon orasinda.
La’li uchun o'lsam, yasangiz to'ti gilimdin,
To yetsam uchib ul shakariston orasinda.
Gar ko'rsa seni noz ila bo'ston orasinda,
Gul g'uncha bo'lur bog'i guliston orasinda.
Bu Lutfiyni usruk qaroqing ulturur erdi,
Ul g'amza o'qi kirdi bukun jon orasinda.
Gar ko'rsa seni noz ila bo'ston orasinda,
Gul g'uncha bo'lur bog'i guliston orasinda.
Horuttek agar sehr qilmas meni shaydo,
Xoling netar ul chohi zanaxdon orasinda?
Jon berguchi og'zing-u tishing turfa-u oliy,
Kim, ko'rdi guhar chashmai hayvon orasinda?
